ایس ورھے 7مہینے وچ ٹیکس وصولی وچ 17فیصد وادھا ہویا: ایف بی آر
اسلام آباد: ترجمان ایف بی آر آکھیا اے ایف بی آر ایس ورھے اپنے ہدف دے قریب تر ریونیو حاصل کر لوے گا۔
ترجمان ایف بی آر دے مطابق ایف بی آر نے ایس مالی ورھے دے 7مہینے وچ 2407ارب روپے دا ریونیو حاصل کیتا تے ایس طرح ریونیو وچ پچھلے ورھے دے مقابلے وچ 17فیصد وادھا حاصل ہویا اے۔
ترجمان ایف بی آر دا کہنا اے پچھلے ورھے دے 1066ارب روپے دے حاصل کیتے اندرونی ٹیکساں دے مقابلے وچ ایس ورھے 1341روپے دا ریونیو اکٹھا ہویا ایس طرح پچھلے ورھے دے مقابلے وچ ایس مالی ورھے اندرونی ٹیکساں وچ 27فیصد وادھا حاصل ہویا۔
ترجمان ایف بی آر آکھیا معیشت دی بحالی تے ایف بی آر دیاں کوششاں دی وجہ توں ایف بی آر ایس ورھے اپنے ہدف دے قریب تر ریونیو حاصل کر لوے گا۔
