ملزم عارف گل نوں پیش نہ کیتا تے وزیراعظم نوں سدھ لاں گے:چیف جسٹس

لہور( پنجابی میڈیا)ملزم عارف گل نوں حبس بے جا وچ رکھن بارے کیس وچ چیف جسٹس نے ریمارکس دتے کہ اگر ملزم نوں پیش نہ کیتا تے وزیراعظم نوں سدھ لاں گے۔ملزم عارف گل نوں حبس بے جا وچ رکھن دے خلاف کیس دی سماعت چیف جسٹس گلزار احمد دی سربراہی وچ سپریم کورٹ دے3رکنی بینچ نے کیتی۔ایڈیشنل اٹارنی جنرل نے عدالت نوں دسیا کہ عارف گل حراستی مرکز وچ اے،ایس نوں عدالت لیانا مشکل اے۔چیف جسٹس نے ریمارکس دتے کہ کیاعارف گل نوں پیش کرن نال سپریم کورٹ دی عمارت اُڈ جائے گی؟حکومت دے دفتر وچ کرپشن اے تے عدالت کیہ کرے،2019توں ہن تک معاملے اُتے انکوائری چل رہی اے۔