جسٹس عائشہ ملک دی تقرری دا معاملہ،پاکستان بارکونسل دا6جنوری نوں ہڑتال دااعلان

لاہور(پنجابی میڈیا)پاکستان بارکونسل نے لہور ہائیکورٹ دی جسٹس عائشہ ملک دی تقرری دے معاملے اُتے جوڈیشل کمیشن اجلاس دے دن ہڑتال تے عدالتی بائیکاٹ دا اعلان کردتا۔پاکستان بار کونسل دے وائس چیئرمین خوش دل خان دا کہنا سی کہ6جنوری نوں جوڈیشل کمیشن اجلاس والے ہڑتال تے عدالت دا بائیکاٹ کیتا جائے گا۔جسٹس عائشہ ملک دی سپریم کورٹ وچ تقرری دا معاملہ ٹائی ہوگیااوہناں دا کہنا سی کہ سمجھ توں باہر اے کہ جسٹس عائشہ ملک نوں لیاون دا مقصد کیہ اے؟اک دی بجائے3عورتاں جج سپریم کورٹ لیاون مگر سینیارٹی دے مطابق لیاون۔وائس چیئرمین دا کہنا سی کہ چیف جسٹس کہہ چکے ججز تقرری دا معاملہ نویں چیف جسٹس اُتے چھڈنا چاہیداے۔خیال رہے کہ پچھلے سال ستمبر وچ وی لہور ہائیکورٹ دی جسٹس عائشہ ملک دی سپریم کورٹ وچ تقرری دامعاملہ چار چار توں ٹائی ہوگیا سی،ایس ویلے وی جسٹس عائشہ ملک دی سپریم کورٹ وچ تقرری دے معاملے اُتے وکیلاںولوں وی احتجاج کیتا گیا سی۔