فنانس بل اُتے اپوزیشن دے جعلی بیانیے دا ڈٹ کے مقابلہ کیتا جائے،وزیراعظم

اسلام آباد(پنجابی میڈیا)وزیراعظم عمران خان نے ترجماناں تے وزیراں نوںہدایت دتی اے کہ فنانس بل دے حوالے نال اپوزیشن دے جعلی بیانیے دا ڈٹ کے مقابلہ کیتا جائے،ریفنڈ تے ربیٹ دے باریوچ عوامی کنفیوژن نوں دور کیتا جائے۔میڈیا دے مطابق وزیراعظم عمران خان دی زیر صدارت حکومتی ترجماناںدااجلاس ہویا،جس وچ حکومتی وزیراں،ارکان اسمبلی تے پارٹی دے سینئر رہنماواں نے رلت کیتی،وزیراعظم نے ملک دی معاشی تے اقتصادی صورتحال اُتے اعتمادوچ لیا،جد کہ وزیراعظم تے وزیر خزانہ شوکت ترین نے رلتیاں نوں فنانس بل اُتے بریفنگ دتی۔وزیراعظم عمران خان نے ترجماناںنوں فنانس بل پاروں عوام وچ ابہام نوں دورے کرن دی ہدایت دیندیاں ہویاں آکھیا کہ فنانس بل نوں عوامی سطح اُتے موثر طریقے نال نہیں دسیاجا سکیا،2ارب روپے دے ٹیکساںنوںودھاچڑھا کے پیش کیتاجارہااے،ریفنڈتے ربیٹ بارے وچ عوامی کنفیوژن نوں دور کیتا جائے۔