وزیراعظم سنے اسمبلی دے ارکاناں دی ٹیکس تفصیل ساہمنے آگئی

اسلام آباد( پنجابی میڈیا)وزیراعظم عمران خان نے ٹیکس ائیر2019وچ98لکھ54ہزار959روپے ٹیکس دتا۔ میڈیا دے مطابق وزیراعظم عمران خان نے ٹیکس ائیر2019وچ98لکھ54ہزار959روپے ٹیکس جمع کرایا،وزیراعظم نے ٹیکس ائیر2019وچ82 لکھ81ہزار830سو روپے دی پریزمٹو آمدنی تے23لکھ64ہزار150روپے دی زرعی آمدنی ظاہر کیتی اے۔ایف بی آر نے پارلیمنٹرینز دی سال2019دی ٹیکس ڈائریکٹری جاری کردتی اے،جس دے مطابق وزیراعظم عمران خان نے98لکھ54ہزار959 روپے،اپوزیشن لیڈر شہبازشریف نے82لکھ42ہزار662روپے،آصف زرداری نے22لکھ18ہزار229روپے،تے چیئرمین پیپلزپارٹی بلاول بھٹو نے5لکھ35ہزار243روپے ٹیکس دتا۔ہور سیاستداناں وچ شاہدخاقان عباسی نے48لکھ71ہزار277روپے،وزیرخزانہ شوکت ترین نے 2کروڑ66لکھ27ہزار737روپے،وزیرخارجہ شاہ محمود قریشی نے8لکھ51ہزار955روپے تے پی ٹی آئی دے نجیب ہارون نے14کروڑ7لکھ49ہزار روپے ٹیکس دتا۔وزیراعلی سندھ مراد علی شاہ نے19لکھ21ہزار914روپے،وزیراعلی خیبرپختونخوا محمود خان نے66ہزار258روپے،سابق وزیراعلی جام کمال نے اک کروڑ17لکھ50ہزار799روپے،موجودہ وزیراعلی بلوچستان قدوس بزنجو نے10لکھ61ہزار777روپے تے وزیراعلی پنجاب عثمان بزدار نے صرف2ہزارروپے ٹیکس دتا۔اسپیکر قومی اسمبلی اسد قیصر نے5لکھ55ہزار794روپے،چیئرمین سینیٹ صادق سنجرانی نے اک کروڑ39لکھ9ہزار327روپے،وفاقی وزیر اسد عمر نے42لکھ72ہزار426روپے،وزیر اطلاعات فوادچوہدری نے اک لکھ36ہزار808روپے،وزیر مملکت فرخ حبیب نے4لکھ5ہزار 477روپے،وفاقی وزیر مراد سعید نے86ہزار606روپے،سینیٹر رضا ربانی نے اک کروڑ55لکھ5ہزار493روپے،سینیٹر طلحہ محمود نے3کروڑ22لکھ80ہزار549روپے،اسپیکر پنجاب اسمبلی پرویزالہی نے9لکھ32ہزار835روپے تے وفاقی وزیرعلی زیدی نے10لکھ47ہزار808روپے ٹیکس دتا۔دُوجے پاسے الیکشن کمیشن نے مالی اثاثیاں دی تفصیل جمع نہ کران والے پارلیمنٹ تے صوبائی اسمبلی دے ارکاناں نوں آخری موقع دیندیاں ہویاں آکھیاکہ پارلیمنٹ تے صوبائی اسمبلیاں دے331ارکاناں نے تاحال تفصیل جمع نہیں کرائی،15جنوری تک اثاثیاں دی تفصیل موصول نہ ہوئی تے رُکنیت معطل کر دتی جائے گی۔الیکشن کمیشن دے مطابق سینیٹ دے17،قومی اسمبلی دے102،پنجاب اسمبلی دے127،سندھ اسمبلی دے31،خیبرپختونخوا اسمبلی دے40تے بلوچستان اسمبلی دے14ارکاناں نے تفصیل جمع نہیں کرائی۔