سردیاں دیاں چھٹیاں ختم:سکول کھل گئے

لہور( پنجابی میڈیا)موسم سرما دیاں چھٹیاں ختم ہون اُتے لہور سنے پنجاب دے کئی ضلعیاں وچ تعلیمی ادارے کھل گئے،مختلف شہراںوچ موسلا دھار بارش پاروں سکولاں وچ بالاں دی حاضری گھٹ رہی۔موسم سرما دیاں چھٹیاں توں بعد سکولاں ،کالجاں وچ تعلیمی سرگرمیاں بحال ہوگئیاں۔پرائمری،مڈل تے ہائی ساریاں کلاساں وچ تدریسی عمل شروع ہو گیا ۔چھٹیاں ختم ہون توں بعد پہلے دن طالب علماں دی سکولاں تے کالجاں وچ حاضری بوہت گھٹ رہی۔شدید سردی تے دھند دی لہر پاروں طالب علماںدی اکثریت گھراںاُتے رہن اُتے مجبور رہی۔تعلیمی اداریاں وچ کورونا ایس او پیز اُتے عمل درآمد کروایا جارہیااے۔ بالاں،ماپیاں تے استاداں نے سکول دوبارہ کھلن اُتے خوشی دا اظہارکیتا۔