کارکن اسمبلیاں تے امیدوار فائنل کرلین حکومت جارہی اے،بلاول بھٹو

لہور(پنجابی میڈیا)چیئرمین پیپلزپارٹی بلاول بھٹو زرداری نے آکھیاکہ پیپلز پارٹی نوں اپنے قومی تے صوبائی اسمبلی دے امیدوار فائنل کر لینے چاہیدے نیں،حکومت جارہی اے۔میڈیا دے مطابق چیئرمین پیپلزپارٹی بلاول بھٹو زرداری دی زیر صدارت سینٹرل ایگزیکٹو کمیٹی دااجلاس ہویا،جس دی اندرونی کہانی ساہمنے آگئی اے۔ذرائع نے دسیا کہ پارٹی اراکاناں نے اظہار خیال کردیاں ہویاں مسلم لیگ(ن)نال اتحاد اُتے شدید تنقید کردیاں ہویاں آکھیا کہ کجھ مجبوریاں دے تحت ن لیگ دے نال چلے،لیکن ایس اتحاد نال پیپلز پارٹی نوں سیاسی نقصان ہویا اے،تے سبھ توں ودھ نقصان پنجاب وچ ہویا،ہن ساہنوں بلدیاتی تے جنرل الیکشناں وچ مسلم لیگ(ن)دابھرپور مقابلہ کرنا ہوئے گا