ن لیگ نال دوستی پرانی اے تے اینج ہی چلاں گے،جہانگیر ترین

لہور(پنجابی میڈیا)تحریک انصاف دے منحرف رہنما جہانگیر ترین دا کہنا اے کہ ن لیگ نال دوستیاں پرانیاں نیںتے اینج ہی چلاں گے۔میڈیا دے مطابق مسلم لیگ(ن)دے سینئر رہنما خواجہ سعد رفیق دی دھی رانی دے ویاہ دی تقریب وچ مختلف سیاسی جماعتاں نال تعلق رکھن والے رہنماواں نے رلت کیتی،لیکن ویاہ دی تقریب وچ تحریک انصاف دے منحرف رہنما تے شوگر ملاں دے کیس دے نامزد ملزم جہانگیر ترین تقریب وچ رلتی مہماناں تے بالخصوص صحافیاںدی نظر وچ رہے۔ویاہ دی تقریب وچ وی جہانگیر ترین توں سیاسی سوال ہندے رہے،اک صحافی نے جہانگیر ترین توں سوال کیتا کہ کیا جہانگیر ترین دا جہاز کدی ن لیگ ول جا سکدا اے؟۔