غیرقنونی پیسہ لین والے ایٹمی پاکستان لئی خطرہ اے،شہبازشریف

لہور(پنجابی میڈیا)مسلم لیگ(ن)دے صدر تے قومی اسمبلی وچ اپوزیشن لیڈر شہباز شریف دا کہنا اے کہ غیر ملکی بندیاں تے کمپنیاں توں غیرقنونی پیسہ لین والے ایٹمی پاکستان لئی خطرہ نیں۔اپنے اک بیان وچ مسلم لیگ(ن)دے صدر تے پارلیمنٹ وچ قائد حزب اختلاف شہباز شریف دا کہنا سی کہ آئین پاکستان تے قنون دے تحت کوئی چور تے جھوٹا وزیراعظم نہیں ہوسکدا،ایہ آئین،قنون تے سیاسی اخلاقیات دا تقاضااے کہ چورتے جھوٹا ثابت ہو جان والے عمران نیازی اپنے عہدے توں خود ہٹ جان تے استعفی دے کے گھر جان،غیر ملکی بندیاںتے کمپنیاں توں غیرقنونی پیسہ لین والے جوہری پاکستان لئی خطرہ نیں،غیرقنونی فارن فنڈنگ کیس وچ کسی مغربی ملک وچ رپورٹ آندی تے وزیراعظم استعفی دے چکیا ہندا۔