حکومت دے پیر اُکھڑچُکے نیں:خواجہ آصف

لہور(پنجابی میڈیا)مسلم لیگ ن دے رہنما خواجہ آصف نے وزیراعظم عمران خان نوں سیاسی لاوارث قرار دے دتا۔سیالکوٹ وچ ورکرز کنونشن نال خطاب کردیاں ہویاں خواجہ آصف دا کہنا سی کہ حکومت دے پیر اُکھڑ رہے نیں تے اوہناں دے جاون دے اسباب پیدا ہو چکے نیں۔خواجہ آصف دا کہنا سی کہ ایہ لوگ تباہی دی تبدیلی لے کے آئے نیں،پی ٹی آئی دے اپنے ووٹرز وی نکامی دااعتراف کر رہے نیں۔وزیراعظم نوں تنقید دا نشانہ بنادیاں ہویاں خواجہ آصف دا کہنا سی کہ عمران خان اک سیاسی لاوارث نیں جدکہ پی ٹی آئی دے زیادہ تر لوگ سیاسی مسافر نیں تے پارٹیاں بدلن والیاں دی کوئی عزت نہیں ہندی۔مری وچ افسوسناک سانحے اُتے گل بات کردیاںہویاں مسلم لیگ ن دے مرکزی رہنما کا کہنا سی کہ مری دے معاملے اُتے اک وزیر نے بیان دتا سی کہ اک لکھ گڈیاں داخل ہوئیاں،ایہ ترقی دی علامت اے

اپنا تبصرہ گھلو