پنجاب حکومت نے نوازشریف دی تازہ رپورٹاں تے اعتراضات کر دتے
لہور: پنجاب حکومت نے نوازشریف دی تازہ رپورٹاں تے اعتراضات کر دتے، سابق وزیراعظم دی ساری میڈیکل رپورٹاں نہیں گھلی گئیاں۔
سینئر ڈاکٹراں آکھیا اک خط دے راہیں کسے وی مریض دی صحت نوں جانچنا ممکن نہیں، خط دے مندرجات دے ثبوت نال لف ای نہیں کیتے گئے۔ ذرائع دے مطابق محکمہ داخلہ پنجاب پہلاں ای تازہ رپورٹاں تے وی تحفظات دا اظہار کر چکیا اے۔
خیال رہوے حکومت پنجاب نے نوازشریف دی میڈیکل تے ٹیسٹ رپورٹاں فراہم کرن دا حکم دتا سی۔
احسن اقبال آکھیا حکمران اک بیمار پیو نوں دھی توں دور رکھ کے اذیت دینا چاہندے نیں، ہر دھی دا قنونی تے فطری حق اے کہ پیو دی تیماری داری کر سکے، مریم نواز نوں پہلاں وی اودوں گرفتار کیتا گیا جدوں اوہ اپنے پیو نال ملن گئیاں، حکومتی کردار دی پستی دی مثال تریخ وچ نہیں ملدی۔
شاہد خاقان عباسی دا کہنا سی مریم نوازدی درخواست ضمانت تے عدالتی فیصلہ قبول کرن گے، حکومت دی کم ظرفی مریم نواز نوں باہر جان توں روک رہی اے۔
