وفاقی کابینہ دااجلاس 18جنوری نوں سدھ لیا گیا،14نکاتی ایجنڈا جاری

اسلام آب(پنجابی میڈیا گروپ)وزیر اعظم عمران خان نے وفاقی کابینہ دااجلاس 18جنوری نوں سدھ لیا جس لئی14نکاتی ایجنڈا جاری کردتا گیا اے۔وزیراعظم عمران خان دی زیر صدارت ہون والے وفاقی کابینہ دے اجلاس وچ ملکی،سیاسی،معاشی تے کورونا وائرس دی صورتحال اُتے غور ہوئے گا جدکہ کابینہ پاکستان وچ غیر ملکیاں نوں ایمنسٹی سکیم دین دا فیصلہ کرے گی،غیر ملکیاں نوں پاکستان توں واپس جان لئی ایمنسٹی سکیم دتی جارہی اے۔وزارت داخلہ ولوںایمنسٹی سکیم دی سمری کابینہ وچ پیش ہوئے گی،بین المذاہب ہم آہنگی پالیسی دامسودہ کابینہ وچ منظوری لئی پیش ہوئے گا،رولز آف بزنس وچ ترمیم دی تجویز کابینہ وچ پیش ہوئے گی،کے ایس ایس ایل دے سی ای او دی منظوری کابینہ ایجنڈے وچ شامل اے۔فرسٹ ویمن بنک دے آڈٹ بارے معاملہ کابینہ ایجنڈا وچ شامل اے جدکہ پاکستان ایسینشل سروسز ایکٹ دے تحت مجاز افسر دی تقرری دا نوٹیفکیشن وی ایجنڈے داحصہ اے،پاکستان دی یو این ٹی او سی وچ شمولیت اُتے سمری کابینہ وچ پیش ہوئے گی۔پاکستان ریلویز فریٹ ٹرانسپورٹیشن کمپنی دے بورڈ آف ڈائریکٹراں دی تشکیل نوکابینہ ایجنڈاوچ شامل،ریلوے کنسٹریشن پاکستان دے بورڈ آف ڈائریکٹراں دی تشکیل نو وی کابینہ ایجنڈا وچ شامل اے۔ریگولیٹری اتھارٹی دے کماں دی آڈیٹر جنرل آف پاکستان دے ذریعے آڈٹ دا معاملہ ایجنڈاوچ شامل اے جدکہ نیپرادی سال2020-21دی سالانہ تے سٹیٹ انڈسٹری2021رپورٹ کابینہ وچ پیش ہوئے گی۔