ملک دے نوجواناں نوں سپورٹس نال جوڑرہے ہاں:فرخ حبیب

لہور(پنجابی میڈیا گروپ)وزیرمملکت برائے اطلاعات و نشریات فرخ حبیب ہوراں آکھیاکہ کھیڈ نے رونقاں بحال کتیاں،وزیر اعظم دی کھیڈاں دی ترقی وچ بوہت دلچسپی اے۔ٹیلنٹ ہنٹ پروگرام داآغازکردتا،ملک دے نوجواناںنوںسپورٹس نال منسلک کررہے ہاں،پنجاب وچ کھیڈاںدابجٹ6ارب روپے کردتا اے۔میڈیا نال گل بات کر دیاں ہویاںاطلاعات و نشریات دے وزیر مملکت فرخ حبیب نے آکھیا کہ پنجاب وچ مختلف کھیڈاںداانعقاد کرکے میدان آباد کر رہے ہاں،12کھیڈاں نوں وزیر اعظم کامیاب جوان پروگرام دے تحت لے کے چل رہے نیں،کھیڈاریاں نوں اگے لیان دابہترین موقع اے،ایہ کھیڈاری جیہڑے ساہمنے آون گے ملک دا ناں روشن کرن گے ۔فرخ حبیب نے ہور آکھیا کہ کھیڈاریاں نوں انٹرنیشنل مقابلیاں لئی تیار کیتا جائے گا،ٹیلنٹ ہنٹ ڈرائیو داآغاز کیتا جائے گا،3ورھیاں وچ پنجاب اندر100فیصد میدان ودھ کیتے گئے،نوجواناں نوں کدی کھیڈاں نال جوڑن دی کسی حکومت نے کوشش نہیں کیتی۔اوہناں نے آکھیا کہ کھیڈ نوجواناں نوں مقابلے لئی تیار کردے نیں،کبڈی دے جوان ساڈھا فخر اے،ایسی میدان وچ ٹیم نے بھارت نوں شکست دی سی،پاکستان وچ کھیڈاں نوں تے کھیڈاریاں نوں پوری سپورٹ کر رہے ہاں،گراس روٹ لیول اُتے بالاں نوں کھیڈاں وچ لیاون لئی اقدامات کر رہے ہاں۔