حکومت دا مشن مہنگائی تے بے روزگاری ختم کرنا اے:چوہدری سرور
لہور(پنجابی میڈیا گروپ)گورنر پنجاب چوہدری محمد سرور نے سانگلہ ہل تے شاہ کوٹ سنے ضلع ننکانہ دے ہور علاقیاںلئی پنجاب آب پاک اتھارٹی دے پین والے صاف پانی دے25منصوبیاںدااعلان کردتا۔سرور فائونڈیشن سانگلہ ہل وچ5فلٹریشن پلانٹ لائے گی۔گورنر پنجاب نے سانگلہ ہل وچ میراج پورہ روڈ دا سنگ بنیاد رکھیا تے چک بوریہ وچ فلٹریشن پلانٹ داافتتاح وی کردتا۔سانگلہ ہل تے شاہ کوٹ دے دورے دے دوران گورنر پنجاب دااک سو توں ودھ استقبالیہ کیمپاں وچ تحریک انصاف دے کارکناں،بزنس کمیونٹی،عورتاں،نوجواناں،مختلف مکتبہ فکر نال جُڑیاںرکھنی شخصیتاں تے عوام ولوں شاندار استقبال کیتا گیا ۔ایس موقع اُتے تحریک انصاف دے کارکناں تے عوام سارے رستے گورنر پنجاب اُتے پُھلاںدیاں پتیاں نشاور کردے رہے۔
