مہنگائی دے خلاف ملک گیر تحریک چلاواں گے’سراج الحق
لہور(پنجابی میڈیا گروپ)امیرجماعت اسلامی سراج الحق نے آکھیا کہ جماعت اسلامی مہنگائی،منی بجٹ،غلط معاشی پالیسیاںتے سودی نظام دے خلاف ملک گیر تحریک چلائے گی۔حکومت تے پاکستان ہن اک نال نہیں چل سکدے،ساڑھے 3ورھیاں وچ ایس حکومت وچ کوئی اینج دی قنون سازی نہیں ہوئی جس نال ملک و قوم نوں فائدہ ہویااگر کوئی قنون سازی ہوئی وی اے تے اوہ آئی ایم ایف دے کہن اُتے ہوئی جس نال ملکی سلامتی سنے عوام نوں نقصان پہنچیا۔ملک نوں اسلامی تے خوشحالی بنان لئی عوام نوں ہن جماعت اسلامی دا ساتھ دینا پئے گاانشااللہ جماعت اسلامی نوں موقع دتا تے ساڈھا سودی نظام ختم کر کے اسلام دا معاشی نظام نافذ کراں گے اسیں سودی نظام نال بغاوت دا علان کردیاں نیں۔
