2023توں پہلاں مہنگائی دا جن بوتل وچ بند کردیاں گے:شاہ محمود قریشی

ملتان(پنجابی میڈیا گروپ)وزیر خارجہ شاہ محمود قریشی ہوراں آکھیاکہ2ورھیاں توںعالمی معیشت وی بحراناںدی زد وچ اے،2023 توں پہلاں مہنگائی دے جن نوں بوتل وچ بند کراں گے۔ملتان وچ میڈیانال گل بات کردیاں ہویاں شاہ محمود قریشی ہوراں آکھیا کہ باہر دے ملک نہ کوئی فلیٹ ہیں،نہ کوئی اکائونٹ تے نہ ہی کسی دا باہر جان داپروگرام اے،عوام وچ ہی جینا مرنا اے۔وزیر خارجہ نے ہور آکھیاکہ اپوزیشن جنے مرضی مارچ کر لے نہ اوہناں دی ہائوس تبدیلی آئے گی تے نہ حکومت ختم ہوئے گی،اپوزیشن نوں شکست ہوگی تے تحریک انصا ف دی جمہوری حکومت اپنی مدت پوری کریگی۔شاہ محمود قریشی دا کہنا سی کہ ماضی وچ کرپشن تے اپنیاں نوں نوازن دے چکروچ قومی خزانے نوں بے دردی نال لٹیا گیا،باہر دے ملک جائیداداں بنائیاں گئیاں،5ورھے خلوص نیت نال سارے وسائل تے توانائیاں عوامی ترقی اُتے صرف کراں گے تے انشا اللہ2023دے الیکشن وچ وی تحریک انصاف پورے ملک وچ کامیابی حاصل کرے گی۔