موڈیز دی رپورٹ وچ پاکستانی بینکاں دی کریڈٹ ریٹنگ دا آؤٹ لک مستحکم برقرار
اسلام آباد: عالمی ریٹنگ ایجنسی موڈیز نے پاکستانی بینکاں دی کریڈٹ ریٹنگ دا آؤٹ لک مستحکم برقرار رکھیا اے۔
عالمی ریٹنگ ایجنسی موڈیز نے پاکستانی بینکاں دی کریڈٹ ریٹنگ دا آؤٹ لک مستحکم برقرار رکھیا اے ایس ضمن وچ موڈیز انٹرنیشنل نے پاکستانی بینکاں تے رپورٹ جاری کردتی اے جہدے وچ موڈیز دا کہنا اے پاکستانی بینکاں دا آؤٹ لک اگلے 18مہینے تک مستحکم رہوے گا جد کہ پاکستانی بینکاں دی ڈپازٹس تے لیکوڈیٹی دی صورتحال وی بہتر اے۔ رپورٹ وچ آکھیا گیا اے پاکستانی بینکاں نے وڈی مقدار وچ حکومتی بانڈز وچ سرمایہ کاری کر رکھی اے، پاکستانی بینکاں وچ آپریٹنگ کنڈیشنز بہتر ہو رہیاں نیں تے پاکستانی بینکاں وچ موجود سرمائے دی صورتحال وی بہتر اے، پاکستانی بینکاں دے منافع وچ وادھا متوقع اے پر ایہ ماضی دے منافع توں گھٹ ہووے گا۔
