ترقیاتی کماں اُتے عثمان بزدار نے سارے وزیراں نوں پیچھے چھڈ دتا

لہور( پنجابی میڈیا گروپ)انسٹیٹیوٹ فار پبلک اوپینین ریسرچ(آئی پور)نے پاکستانی عوام دی آرا اُتے مبنی نواسروے جاری کیتا جس دے مطابق پنجاب توں51فیصد شہریاں نے عثمان بزداردے صوبے پنجاب وچ ترقیاتی کم کروان دے حوالے نال کارکردگی اُتے اطمینا ن دااظہار کیتا اے۔خیبرپختونخوا وچ محمود خان دی کارکردگی نال صوبے دے48فیصد،جد کہ بلوچستان وچ میر عبدالقدوس بزنجو دی ترقیاتی کماں دے حوالے نال کارکردگی اُتے43فیصد افراد مطمئن نظر آئے۔سندھ دے چیف منسٹر سید مراد علی شاہ صوبے وچ ترقیاتی کم کروان دے حوالے نال اپنی کارکردگی توں38فیصد شہری مطمئن کرن وچ کامیاب ہوئے ۔صوبیاں وچ حکومتی محکمیاںدی کارکردگی اُتے وی عوام دی رائے ساہمنے آئی تے صوبائی محکمیاں دی سبھ توں ودھ بہتر کارکردگی ہون داخیبرپختونخوا توں69فیصد افراد نے آکھیا۔صحت عامہ دے شعبے وچ پنجاب وچ سبھ توں ودھ یعنی72فیصد افراد مطمئن نظرآئے جد کہ تعلیم دے شعبے وچ وی پنجاب نال86فیصد افراد نے کارکردگی اُتے اطمینان دااظہارکیتا۔

اپنا تبصرہ گھلو