آئی ایم ایف دی ریگولیٹری و کسٹمز ڈیوٹی وچ ریلیف دین دی مخالفت

اسلام آباد: آئی ایم ایف نے ملک وچ ریگولیٹری ڈیوٹی و کسٹمز ڈیوٹی وچ ریلیف دین دی مخالفت کردیاں آکھیا اے درآمدی بل ودھے گا۔

آئی ایم ایف دے نال مذاکرات دے چوتھے دور وچ وکھو وکھ ٹیکس تجاویز زیر غور نیں تے ذرائع دا کہنا اے آئی ایم ایف 200ارب روپے توں ودھ دے اضافی ریونیو اقدامات تے زور دے رہیا اے۔

ذرائع وزارت خزانہ دے مطابق ایف بی آر ریگولیٹری ڈیوٹی و کسٹمز ڈیوٹی وچ کجھ ریلیف دے کے ریونیو ودھان دی تجاویز دے رہیا اے، آئی ایم ایف ڈیوٹی وچ کمی دی مخالفت کر رہیا اے، آئی ایم ایف دا موقف اے رعایات نال درآمدی بل ودھے گا جہدے نال ہور مسئلے پیدا ہون دا خطرہ اے۔

ذرائع دا کہنا اے آئی ایم ایف دے نال نویں ریونیو اقدامات تے ریونیو اہداف تے نظرثانی بارے حتمی فیصلے پالیسی سطح دے مذاکرات وچ ہون گے، آئی ایم ایف دے نال پالیسی سطح دے مذاکرات اگلے ہفتے شروع ہون گے۔