سندھ حکومت دی وفاق لئی ٹیکس جمع نہ کرن دی دھمکی
کراچی: سندھ حکومت نے وفاق لئی ٹیکس جمع نہ کرن دی دھمکی دے دتی۔ کراچی وچ وزیراعلیٰ سندھ سید مراد علی شاہ دی زیر صدارت اجلاس ہویا جہدے وچ ایف بی آر ولوں سندھ دی مبینہ غیر قنونی کٹوتیاں دا مسئلہ زیر بحث آیا۔
اجلاس وچ وزیر ایکسائز مکیش چاولہ، مشیر قانون مرتضی وہاب، پرنسپل سیکریٹری ساجد جمال ابڑو، سیکریٹری خزانہ حسن نقوی، سیکریٹری ایکسائیز حلیم شیخ، ڈی جی ایکسائیز شعیب صدیقی تے دوجیاں نے رلت کیتی۔وزیراعلیٰ سندھ مراد علی شاہ آکھیا ایکسائز اینڈ ٹیکسیشن ڈیپارٹمنٹ توں ایف بی آر نے کٹوتیاں کیتیاں نیں، جے ایہ فنڈز واپس نہیں دتے تے سندھ حکومت وفاق لئی ٹیکس جمع نہیں کرے گا، ایف بی آر ایکسائز اینڈ ٹیکسیشن ڈیپارٹمنٹ دے دفتر وچ ود ہولڈنگ ٹیکس جمع کرن لئی اپنا کاؤنٹر کھول لوے۔
