ایفی ڈرین کوٹہ کیس: علی موسیٰ گیلانی دے ناقابل ضمانت وارنٹ گرفتاری جاری
اسلام آباد: ایفی ڈرین کوٹہ کیس وچ سابق وزیراعظم دے پتر علی موسیٰ گیلانی دے وارنٹ گرفتاری جاری، عدالت نے حاضر نہ ہون تے وارنٹ جاری کیتے۔
تفصیل دے مطابق انسداد منشیات دی عدالت نے ایفی ڈرین کوٹہ کیس وچ سابق وزیراعظم دے پتر علی موسیٰ گیلانی دے وارنٹ گرفتاری جاری کر دتے نیں۔ انسداد منشیات دی عدالت نے ملزم دی غیر حاضری تے وارنٹ جاری کیتے۔
ایہدے علاوہ شریک ملزم ملک زنیر دے وی وارنٹ گرفتاری جاری کر دتے گئے نیں۔ ڈیوٹی جج واجد علی نے دوواں ملزماں دے ناقابل ضمانت وارنٹ گرفتاری جاری کیتے۔
