سرکار دا چینی دی برآمد تے پابندی دا فیصلہ، وزیراعظم نے سمری دی منظوری دے دتی

اسلام آباد: سرکار نے چینی دی برآمد تے فوری طور تے پابندی لاگو کرن دا فیصلہ کر لیا۔ وزیراعظم عمران خان نے کامرس ڈویژن دی سمری دی منظوری دے دتی۔

وسیلیاں دے مطابق پابندی نال ساڈھے 3لکھ ٹن چینی دی برآمد روک لئی جاوے گی۔ اودھر وزیراعظم عمران خان دی زیر صدارت انفارمیشن ٹیکنالوجی بارے اہم اجلاس ہویا جہدے وچ خطے دے دوجے ملکاں دی طرح پاکستان نوں آئی ٹی سیکٹر وچ مضبوط کرن لئی پاکستان توں آئی ٹی سافٹ ویئرز دی ایکسپورٹس ودھان لئی اقدامات تے غور کیتا گیا۔

ملک بھر وچ انفارمیشن ٹیکنالوجی دا نیٹ ورک ودھان لئی اہم فیصلے کیتے گئے، چھوٹے سافٹ ویئر ایکسپورٹرز لئی ریلیف پیکیج متعارف کروان دا فیصلہ کیتا گیا جہدے تحت اسلام آباد وچ 40ایکڑ تے مشتمل سافٹ ویئر سٹی بنایا جاوے گا، لوکل سافٹ ویئر کمپنیاں نوں سافٹ ویئر سٹی وچ سہولتاں ملن گیاں، پاکستانی ادارے لوکل کمپنیاں توں سافٹ ویئر خریدن گے، صوبائی تے وفاق ولوں لاگو ڈبل ٹیکس ختم کر دتا جاوے گا تے ایکسپورٹرز نوں ڈالر دا ایکسچینج ریٹ مارکیٹ توں بہتر دتا جاوے گا، ایکسپوٹرز رسیو ایبل رقم دے برابر قرضہ حاصل کر سکن گے، ایہدے علاوہ راولپنڈی اسلام آباد دی ساری یونیورسٹیاں نوں انٹر کنیکٹ کرکے ڈیجیٹائز کرن دا فیصلہ کیتا گیا اے۔