نوازشریف دی میڈیکل رپورٹاں نامکمل، بورڈ نے حکومت نوں حتمی مراسلہ لکھ دتا
لہور: نوازشریف دی میڈیکل رپورٹاں دا جائزہ لین لئی سرکاری میڈیکل بورڈ دا ہون والا اجلاس ملتوی کر دتا گیا اے۔
سربراہ میڈیکل بورڈ پروفیسر محمود ایاز کہندے نیں نامکمل رپورٹاں فراہم کیتی جا رہیاں نیں، مکمل رپورٹاں لئی پنجاب حکومت نوں خط گھل دتا اے۔ تفصیل دے مطابق سابق وزیراعظم نوازشریف دی میڈیکل رپورٹاں تے حتمی رائے دین تے سرکاری میڈیکل بورڈ تذبذب دا شکار اے۔
ذاتی معالج ڈاکٹر عدنان ولوں تیجی واری وی پنجاب حکومت نوں نامکمل رپورٹاں گھلیاں گئیاں۔ نوازشریف دی میڈیکل رپورٹاں دا جائزہ لین لئی سرکاری میڈیکل بورڈ دا ہون والا اجلاس ملتوی کردیاں پروفیسر محمود ایاز نے پنجاب حکومت نوں حتمی مراسلہ لکھ دتا اے۔
میڈیکل بورڈ دے سربراہ پروفیسر محمود ایاز دا کہنا اے نوازشریف دی میڈیکل رپورٹاں مسلسل نامکمل فراہم کیتی جا رہیاں نیں۔
جدوں تک بیرون ملک ہون والی مکمل انویسٹی گیشن تے ٹیسٹاں دی رپورٹ فراہم نہیں ہون گیاںِ اسیں فیصلہ نہیں کر میڈیکل بورڈ دے سربراہ نے ہور آکھیا نوازشریف دی ساری رپورٹاں ویکھن دے بعد صحت دی خرابی دے معاملے تے حتمی رائے دتی جا سکدی اے۔
