پختونخوا حکومت دا صوبے دی ترقی لئی وڈا قدم، 24اہم منصوبیاں دی منظوری
پشاور: خیبر پختونخوا حکومت نے صوبے دی ترقی لئی وڈا قدم چکدیاں 24اہم منصوبیاں دی منظوری دے دتی، وکھو وکھ ضلعیاں لئی 90ارب روپے دے ترقیاتی منصوبیاں دی منظوری دتی گئی۔
دستاویزات دے مطابق سوات موٹروے دی توسیع لئی 70ارب روپے منظور کیتے گئے جہدے نال سوات موٹروے نوں فتح پور تک توسیع کیتی جاوے گی، ضلع کوہاٹ نوں گیس دی رائلٹی دی مد سب توں ودھ 15ارب دے فنڈ دی منظوری دتی گئی، 15ارب روپے وکھو وکھ پروجیکٹاں تے خرچ کیتے جان گے۔
7پروجیکٹس حتمی منظوری لئی وفاق نوں گھل دتے گئے، جہدے وچ قبائلی ضلعیاں تے بندوبستی علاقیاں وچکار سڑکاں دے منصوبے وی شامل نیں، سکولاں، ہسپتالاں، ریسکیو سروسز، توانائی سنے دوجے منصوبے وی شامل نیں۔
