چپ کرکے تماشا نہیں ویکھاں گے: شوکت ترین

اسلام آباد( پنجابی میڈیا گروپ)وفاقی وزیر خزنہ شوکت ترین ہوراں آکھیا کہ چپ کرکے تماشا نہیں ویکھاں گے، تحقیقات کر رہواں گے، لوکاں نے دبئی تے کئی جگہاں اُتے کمپنیاں کھولیاں ہویاں نیں تے اوس دے ذریعے ٹرانسفر پرائسنگ کر رہے نیں ۔ اسلام آباد وچ تقریب نال خطاب دے دوران فارن ایکسچینج اُتے گل بات کردیاں ہویاں شوکت ترین ہوراں آکھیا کہ پتہ نہیں کیتا قدغنیں سن کہ اسیں اپنا کیپٹل اکانٹ ہی کھول دتا جدکہ اسیںآپ کفیل نہیں ساں۔1992دے فنانس ایکٹ پاروں تہاڈے کجھ وی کر سکدے او، فیر ساڈھی فارن ایکسچینج دیان کمپنیاں تے بروکر وی کافی آزاد نیں، تے فارن ایکسچینج نال اوس نوں باہر لے کے جانا تے لے کے آنا، اوس دی کوئی دستویزاں نہیں ہیں۔ اوہناں دا کہنا سی کہ ساڈھے کول اوور انوائسنگ تے انڈر انوائسنگ ہورہی اے، پیٹرولیم تے ہور شیواں وچ ساڈھی ٹرانسفر پرائسنگ ہو رہی اے، ارباں روپے ایدھر دے اُودھر ہوجاندے نیں، کئی شیواں پھڑیاں جارہیاں نیں تے ایس حوالے نال ایف آئی اے چنگاکم تے وڈھی ذمہ داری والا کم کر رہی اے۔ایف آئی اے دے حوالے نال اوہناں نے آکھیا کہ ایہ وڈھا بین واجا نہیں کردے لیکن اندر ہی اندر شیواں اُتے چنگی پیشرفت ہو رہی اے لیکن ساہنوں ایہ شیواں ٹھیک کرنیاں نیں تے اوس نوں آٹومیشن دے تھرو ٹھیک کر سکدے ہاں۔