اگلے5 ورھیاں وچ ملک دا سبھ توں وڈھا برآمدی شعبہ آئی ٹی ہوئے گا، مشیر تجارت
کراچی(پنجابی میڈیا گروپ) وزیر اعظم دے مشیر تجارت عبدالرزاق دائود ہوراں آکھیا کہ اگلے5 ورھیاں وچ ملک دا سبھ توں وڈھا برآمدی شعبہ آئی ٹی ہوئے گا۔ عرب ویب سائٹ نوں دتے گئے انٹرویو وچ عبدالرزاق دائود ہوراں آکھیا کہ پاکستان دا سبھ توں وڈھا برآمدی شعبہ ٹیکسٹائل اے لیکن اسیں صرف ٹیکسٹائل اُتے انحصار نہیں کر سکدے، ساہنوں اپنی برآمدات وچ تنوع لیانا ہوئے گا ۔اوہناں نے آکھیا کہ ملکی برآمدات ودھ کرن لئی ٹیکسٹائل سیکٹر نوں مراعات وی جاری رہن گی لیکن ایس دے علاوہ معیشت نوں ٹیکسٹائل دی برآمدات اُتے انحصار توں کڈن لئی پالیسیاں اُتے وی کم ہورہیا اے۔
