معروف ناول نگار بانو قدسیہ دی 5ویں برسی منائی گئی

لہور(پنجابی میڈیا گروپ) معروف افسانہ وناول نگار، ڈرامہ نویس تے اردو ادب دی شاہکار تصنیف ‘راجہ گدھ’ دی خالق بانو قدسیہ دی 5ویں برسی منائی گئی۔حکومتِ پاکستان ولوں شاندار علمی و ادبی خدمتاں اُتے بانو قدسیہ نوں ستار امتیاز تے ہلالِ امتیاز توں نوازیا گیا، اوہ 28 نومبر 1928 نوں فیروز پور وچ پیدا ہوئیاں تے تقسیم ہند توں بعد لہور آگئیاں سن۔ بانو نے 1950 وچ پنجاب یونیورسٹی توں ماسٹر کیتا تے مشہور افسانہ نگار تے ڈرامہ نویس اشفاق احمد نال رشتہ ازدواج وچ منسلک ہوگئیاں۔1981 وچ شائع ہون والا ناول ”راجہ گدھ” بانو قدسیہ دی حقیقی شناخت بن گیا۔ بانو قدسیہ دا شمار اردو دے اہم افسانہ نگاراں وچ ہندا اے۔