پی ایس ایل لہور:50فیصد لوکاں نوں سٹیڈیم داخلے دی اجازت
لہور( پنجابی میڈیا گروپ) پی ایس ایل سیون دے حوالے نال این سی او سی نے لہور دے میچاں وچ 50 فیصد شائقیناں نوں سٹیڈیم داخلے دی اجازت دا فیصلہ کیتا اے ،16 فروری توں 100فیصد شائقین سٹیڈیم آسکن گے۔ کرکٹ میچ ویکھن والیاں لئی وڈھی خوشخبری، لہور وچ کھیڈے جان والے پی ایس ایل میچاں وچ کرکٹ فینز کھیڈ توں لطف اندوز ہو سکن گے۔ ایس حوالے نال این سی او سی اجلاس وچ کیتے گئے فیصلیاں دے مطابق15 فروری تک50 فیصد تماشائیاں نوں سٹیڈیم وچ داخلے دی اجازت ہوئے گی جدکہ16 فروری توں بعد سٹیڈیم وچ100 فیصد شائقین دی اجازت ہوئے گی ۔ میچاں وچ کورونا ایس او پیز اُتے عمل درآمد یقینی بنایا جائے گا جدکہ ویکسی نیشن مکمل کروان والے لوک ای سٹیڈیم وچ داخل ہو سکن گے۔ این سی او سی دے مطابق12 ورھے توں گھٹ عمر توں بغیر ویکسین لوان والے بالاں نوں وی سٹیڈیم آن دی اجازت ہوئے گی۔
