وزیراعظم عمران خان کل بلوچستان ” نوشکی” جان گے
اسلام آباد( پنجابی میڈیا گروپ) بلوچستان وچ اَت گرداں دے خلاف کامیاب آپریشن اُتے وزیراعظم عمران خان جواناں دا حوصلہ ودھان لئی کل بلوچستان جاون گے۔ ذرائع دے مطابق وزیراعظم عمران خان کل بلوچستان دے علاقہ نوشکی جان گے۔ وزیراعظم نوں نوشکی وچ اَت گرداں دے خلاف آپریشن اُتے بریفنگ دتی جائے گی ۔ عمران خان کوئٹہ وچ وزیراعلی بلوچستان تے گورنر نال ملاقات کرن گے۔وزیراعظم سیکیورٹی کماں بارے اہم اجلاس دی صدارت کرن گے۔ عمران خان نوں صوبہ وچ سیکورٹی صورت حال اُتے بریفنگ دتی جائے گی ۔ وزیراعظم نوں بلوچستان دے ترقیاتی منصوبیاں اُتے بریفنگ دتی جائے گی ۔ بلوچستان ترقیاتی پیکج وچ پیش رفت داجائزہ لیا جائے گا ۔ وفاقی کابینہ دا کل معمول دا اجلاس وی ملتوی ہون دا امکان اے۔
