الیکشن کمیشن نے علی امین گنڈا پور دے بھائی عمر امین گنڈا پور نوں نااہل کر دتا
اسلام آباد(پنجابی میڈیا گروپ) الیکشن کمیشن نے علی امین گنڈا پور دے بھائی عمر امین گنڈا پور نوں نا اہل کر دتا جدکہ وفاقی وزیر نوں انتخابی مہم توں روک دتا ۔ الیکشن کمیشن نے علی امین گنڈا پور دے ڈیرہ اسماعیل دے جان اُتے پابندی ختم کر دتی ۔ چیف الیکشن کمشنر نے مختصر فیصلہ پڑھ کے سنایا ۔ الیکشن کمیشن نے عمر امین گنڈا پور نوں ضابطہ اخلاق دی خلاف ورزی اُتے نااہل کیتا ۔ فیصلے وچ آکھیا گیا کہ ڈی آئی خان سٹی مئیر دی نشست اُتے پی ٹی آئی امیدوار الیکشن نہیں لڑ سکن گے، علی امین گنڈا پور گھریلو تقریباں وچ رلت ہوسکن گے، وفاقی وزیر نے فیر خلاف ورزی کیتی تے سخت کارروائی ہوئے گی۔
