سی پیک سست روی دا تاثرغلط اے: خالد منصور

اسلام آباد( پنجابی میڈیا گروپ) خالد منصور ہوراں آکھیاکہ سی پیک منصوبیاں وچ سست روی دا تاثرغلط اے، سرمایہ کاراں دے مسائل حل کرن لئی اقدامات کیتے جا رہے نیں ۔ معاون خصوصی سی پیک خالد منصور نے اسلام آباد وچ نیوز کانفرنس کردیاں ہویاں آکھیا کہ دورہ چین دے دوران20 میٹنگاں ہویاں، وزیراعظم نے ہر میٹنگ نوں بھرپور طریقے نال چیئر کیتا ، وزیراعظم نال چینی صدر نے ون آن ون ملاقات کیتی، سی پیک منصوبیاں وچ سست روی دا تاثرغلط اے، سرمایہ کاراں دے مسائل حل کرن لئی اقدامات کیتے جا رہے نیں، چینی سرمایہ کار خصوصی اقتصادی زونز وچ سرمایہ کاری چاہندے نیں ۔ خالد منصور دا کہنا سی کہ ای سی سی نے100بلین منظور کیتے،50 بلین جاری ہوچکے، وزیراعظم نے دورے دے دوران ملکی ترقی نوں مدنظر رکھیا ، سی پیک اتھارٹی چینی سرمایہ کاراں دے تحفظات دور کر رہی اے ، سی پیک اتھارٹی ون ونڈو آپریشن دے ذریعے سرمایہ کاری یقینی بنا رہی اے، چینی حکام سی پیک اُتے پاکستان دے اقدامات توں مطمئن اے ۔