ریاست اپنی ذمہ داریاں پوری کرن وچ نکام ہوچکی، سپریم کورٹ

اسلام آباد( پنجابی میڈیا گروپ ) سپریم کورٹ نے ریمارکس دتے کہ ریاست اپنی ذمہ داریاں پوری کرن وچ نکام ہوچکی اے۔ سپریم کورٹ وچ نجی اسکول توں بے دخل طالب علم دے دوبارہ داخلے بارے کیس دی سماعت ہوئی ۔ عدالت نے طالب علم ریان احمد دے دوبارہ داخلے دی درخواست مسترد کر دتی ۔ درخواست گزار دے وکیل نے دسیا کہ 9ویں کلاس دے طالب علم استاداں تے بالاں نال بدزبانی تے مس کنڈکٹ پاروں اسکول انتظامیہ نے بے دخل کیتا ، لیکن اسکول بالاں نوں ہمیشہ لئی بے دخل نہیں کر سکدا جسٹس قاضی امین نے ریمارکس دتے کہ استاد بہترین جج ہندے نیں، ساڈھے معاشرے وچ استاد دا مقام ہی وکھرا اے، بالاں دی تربیت کرو نا کہ استاداں نوں جواب دہ ٹھہراو، ریاست اپنی ذمہ داریاں پوری کرن وچ نکام ہو چکی اے پتا نہیں کِنج اسکولاں نوں پرمٹ دے رکھے نیں