شہزاد اکبر نوں سسٹم دی سمجھ نہیں سی: ذلفی بخاری

لندن ( پنجابی میڈیا گروپ) وزیراعظم دے سابق معاون تے پی ٹی آئی رہنما ذلفی بخاری ہوراں آکھیا اے کہ شہزاد اکبر نوں سسٹم دی سمجھ نہیں سی ۔ لندن وچ میڈیا نال گل بات کر دیاں ذلفی بخاری ہوراں آکھیا کہ شہزاد اکبر دی احتساب وچ نکامی دی کئی وجوہات ہوسکدیاں نیں تے شاید شہزاد اکبر نوں سسٹم دی سمجھ نہیں سی، شہزاد اکبردی ٹیم چنگی نہیں سی یا اوہ چنگے قنون دان ہی نہیں۔ذلفی بخاری ہوراں ہورآکھیا کہ شہزاد اکبرصحیح طرح سنبھال نہیں سکے، اوہناں لئی بعض لوکاں نے ساڑھے تین سال سبھ چنگا اے دی رپورٹ وزیراعظم نوں پیش کیتی، شہزاد اکبردے زبردست کم دیاں رپورٹاں وزیراعظم نوںپیش کرن والیاں دی وی چھٹی ہونی چاہیدی اے جد کہ صرف شہزاداکبرنوں احتساب دی نکامی دا ذمہ دار ٹھہرانا درست نہیں ہوئے گا۔