اپوزیشن دا حکومت دے خلاف تحریک عدم اعتماد لیاون دا فیصلہ

اسلام آباد ( پنجابی میڈیا گروپ) اپوزیشن جماعتاں نے حکومت دے خلاف تحریک عدم اعتماد لیاون دا فیصلہ کرلیا ۔ ذرائع دے مطابق نواز شریف دی زیر صدارت (ن) لیگ دی سینٹرل ایگزیکٹو کمیٹی وچ حکومت دے تحریک عدم اعتماد دے معاملے دی منظوری دا امکان اے جس توں بعد ایس حوالے نال پیپلزپارٹی نوں آگاہ کیتا جائے گا ۔ ایہ منہ تے مسور دی دال عدم اعتماد لیاون گے، شیخ رشید دی اپوزیشن اُتے فیر تنقید ، ذرائع دا کہنا اے کہ اجے ایہ طے ہونا باقی اے کہ تحریک عدم اعتماد پہلے وزیراعظم دے خلاف لیائی جائے یا اسپیکر قومی اسمبلی دے خلاف تحریک پہلاں پیش کیتی جائے۔ ذرائع دے مطابق مولانا فضل الرحمان نال گل بات توں بعد تحریک عدم اعتماد دی حکمت عملی طے ہوئے گی تے عدم اعتماد دی تحریک اُتے اک موقف اپنان توں بعد رابطے شروع کیتے جان گے۔ ذرائع نے دسیا اے کہ پیپلزپارٹی نوں(ق) لیگ نال رابطہ کرن دا ٹاسک دتا جائے گا تے جہانگیر ترین نال6 ایم این ای توں وی پیپلزپارٹی گل بات کرسکدی اے جد کہ جہانگیر ترین نال مخدوم احمد محمود پہلاں ای رابطے وچ نیں ۔