5 میچاں وچ کامیابی توں بعد رضوان دا پیغام

لہور( پنجابی میڈیا گروپ) پاکستان سپر لیگ7 دی ہن تک دی ناقابلِ شکست رہن والی ٹیم ملتان سلطانز دے محمد رضوان نے مداحواں لئی خصوصی پیغام شیئر کیتا اے ۔ رضوان نے ٹوئٹر اُتے جاری پیغام وچ ایونٹ دے پنجاں مقابلیاں وچ کامیابی اُتے اللہ دا شکر ادا کیتا تے اوہناں نے اپنے پیغام وچ لکھیا کہ ساڈھی ٹیم نے کراچی وچ ٹورنامنٹ دا آغاز غیر معمولی طریقے نال کیتا ، ایس ٹیم دا ہر کھلاڑی فاتح اے۔ ٹیم دے کپتان نے آکھیا کہ ایس موقع اُتے وی پوری منیجمنٹ ، مالکان تے کوچنگ اسٹاف دا شکرگزار ہاں ، اُمید اے کہ ایہ ہی کارکردگی لہور وچ کھیڈے جان والے میچاں وچ وی برقرار رہے گی ۔ رضوان نے اپنی اک ہور ٹوئٹ وچ آکھیا کہ ساڈھے شاندار فیناں، براہِ کرم ساہنوں اپنیاں دعاواں وچ یاد رکھن ، اسیں تہاڈی سپورٹ دی تہہ دل نال قدر کردے ہاں

اپنا تبصرہ گھلو