گورنر نال ملاقاتاں ہوندی رہندیاں نیں، آئی جی دے معاملے تے اوہی پرانی گلاں ہوئیاں: وزیراعلیٰ سندھ

کراچی: وزیراعلیٰ سندھ آکھیا اے گورنر نال ملاقاتاں ہوندی رہندیاں نیں، آئی جی دے معاملے تے اوہی پرانی گلاں ہوئیاں، پلس سربراہ لئی پہلاں تن بعد وچ دو ناں دتے پر افسوس فیر وی معاملہ رکیا ہویا اے۔

وزیراعلیٰ سندھ مراد علی شاہ نے میڈیا نال گل کردیاں آکھیا آئی جی سندھ دے معاملے تے کابینہ دے فیصلیاں دا پابند آں، وفاق نوں پنج ناں دے چکے، گورنر نال صوبے دے مسئلیاں تے گل کرنا میرا آئینی فرض اے۔

اوہناں دا کہنا سی وزیراعظم کہہ چکے اوہ ہسپتالاں نوں نہیں چلا سکدے۔ سندھ وچ ہسپتالاںدا انتظام سنبھالن لئی وفاق نوں تجویز دتی اے، جدوں تک ایہ ہسپتال ساڈے کول نیں کسے دی مداخلت قبول نہیں کراں گے۔

مراد علی شاہ دا ہور کہنا سی فوری طور تے نیشنل ٹاسک فورس دا اجلاس بلایا جاوے، وزرائے اعلیٰ ایس ٹاسک فورس دے ممبر ہوندے نیں پر مینوں کسے اجلاس وچ نہیں بلایا گیا۔