مشیر خزانہ تے گورنر سٹیٹ بینک تبدیل نہیں ہو رہے، وزیراعظم نے واضح کر دتا

اسلام آباد: وزیراعظم عمران خان نے مشیر خزانہ عبدالحفیظ شیخ تے گورنر سٹیٹ بینک رضا باقر نوں تبدیل کرن دیاں خبراں دی سختی نال تردید کردیاں اوہناں نوں کم تیز کرن دی ہدایت کر دتی اے۔

وسیلیاں دے مطابق حکومتی ترجماناں دے اجلاس وچ وزیراعظم عمران خان نے سب تے واضح کیتا کہ مشیر خزانہ عبدالحفیظ شیخ تے گورنر سٹیٹ بینک تبدیل نہیں ہو رہے، اوہ بہترین کم کر رہے نیں۔

وزیراعظم عمران خان نے سارے شرکاء تے واضح کیتا کہ مشیر خزانہ تے گورنر سٹیٹ بینک دے حوالے نال کوئی تبدیلی زیر غور نہیں اے۔ مہنگائی دے خلاف حکمت عملی تیار کردیاں اوہناں نوں اہم اقدامات دی ہدایت کردیاں کم دی سپیڈ تیز کرن دا کہہ دتا اے۔

ذرائع دے مطابق وزیراعظم نے ترجماناں نوں دسیا کہ چیئرمین ایف بی آر شدید بیمار نیں۔ شبر زیدی میری عرضی تے صرف چھ مہینے لئی آئے سن۔

اوہناں د اکہنا سی کنک تے آٹا بحران دے ذمہ داراں دے خلاف سخت ایکشن لواں گا۔ وزیراعظم نے پارٹی نوں منظم تے متحد رکھن دی لوڑ تے زور دیندیاں دوٹوک موقف اختیار کردیاں آکھیا کہ جہانگیر ترین دا حالیہ آٹا بحران وچ کوئی کردار نہیں اے۔