قائمہ کمیٹی انسانی حقوق دا اجلاس، ووہان وچ مقیم پاکستانیاں نوں وطن لیان دی سفارش

اسلام آباد: سینیٹ دی قائمہ کمیٹی برائے انسانی حقوق نے چین دے شہر ووہان وچ مقیم اک ہزار 94پاکستانیاں نوں کرماٹائن ٹریٹمنٹ مکمل ہون تے وطن واپس لیان دی سفارش کر دتی اے۔

اسلام آباد وچ سینیٹ دی قائمہ کمیٹی برائے انسانی حقوق نوں ڈی جی ہیلتھ نے بریف کیتا کہ ہن تک قومی ادارہ صحت وچ نویل کرونا وائرس نال مشتبہ 46کیسز دا ٹیسٹ کیتا گیا پر کسے اک وچ وی مرض دی تشخیص نہیں ہوئی۔ سپیشل سیکرٹری وزارت خارجہ نے کمیٹی نوں دسیا کہ چین وچ مقیم پاکستانیاں دا اوتھے قیام زیادہ محفوظ اے، ایہدے تے پریشان نہیں ہونا چاہیدا۔ کمیٹی ممبران نے وزیراعظم پاکستان دی کور کمیٹی برائے کرونا نوں چین وچ مقیم پاکستانیاں نوں کروماٹائن ٹریٹمنٹ دے بعد وطن واپسی دی سفارش کر دتی۔ ایہدے علاوہ چیئرمین پیمرا سلیم بیگ نوں وی کمیٹی ولوں پیمرا دے دائرہ اختیار توں تجاویز کردیاں ویب ٹی وی تے فیس لاگو کرن توں باز رہن دا آکھیا گیا۔ چیئرمین کمیٹی مصطفی نواز کھوکھر نے آکھیا میڈیا تے اظہار رائے تے پہلاں ای بہت ساری پابندیاں نیں، ہن ویب ٹی وی تے اک کروڑ تک دی فیس دی تجویز منظور نہیں کیتی جا سکدی۔