چینی درآمد کرن دی تجویز رد، برآمد تے وی پابندی لاگو

اقتصادی رابطہ کمیٹی (ای سی سی) نے چینی درآمد کرن دی سمری (تجویز) رد کردیاں چینی برآمد کرن تے وی پابندی لا دتی۔

ذرائع دے مطابق مشیر خزانہ عبدالحفیظ شیخ دی زیر صڈارت ہون والے اقتصادی رابطہ کمیٹی دے اجلاس وچ چینی درآمد کرن دی تجویز رد کیتی گئی۔ ذرائع دا کہنا اے اقتصادی رابطہ کمیٹی نے ملک وچ چینی دی قیمت نوں مستحکم رکھن لئی چینی برآمد کرن تے وی پابندی لاگو کر دتی اے۔

اقتصادی رابطہ کمیٹی ولوں وزارت صنعت و پیداوار نوں چینی دیاں قیمتاں دی سخت مانیٹرنگ کرن تے چینی دی ذخیرہ اندوزی روکن لئی متعلقہ اداریاں نوں سخت اقدامات کرن دی ہدایت کیتی گئی۔

پر ذرائع نے دسیا اے ای سی سی ولوں آکھیا گیا اے جے کسے سطح تے وزارت صنعت محسوس کرے کہ چینی دی درآمد دی لوڑ اے تے دوبارہ سمری لیائی جاوے۔