استعفیٰ نہیں دتا، چیئرمین ایف بی آر شبر زیدی دی تردید
اسلام آباد: چیئرمین ایف بی آر نے استعفیٰ بارے خبراں دی تردید کر دتی۔ شبر زیدی خراب طبیعت پاروں چھٹی تے نیں۔ چیئرمین فیڈرل بورڈ آف ریونیو شبر زیدی دا کہنا اے اوہناں دے استعفے بارے من گھڑت خبراں ساہمنے آ رہیاں نیں۔
میڈیا نال گل کردیاں شبر زیدی نے بطور چیئرمین ایف بی آر استعفیٰ دی افواہواں دی تردید کیتی۔ وسیلیاں دا کہنا سی شبر زیدی دی طبیعت ناساز اے، ڈاکٹراں نے آرام دا مشورہ دتا اے، پر ہن تک اوہناں نے عہدے توں استعفیٰ نہیں دتا۔
خیال رہوے شبر زیدی نے دو ہفتے دی چھٹیاں دے بعد 21جنوری نوں دوبارہ دفتر سنبھالیا سی پر اوہناں دی طبیعت نہیں سنبھل سکی تے فیر چھٹی تے چلے گئے نیں۔
