فضل الرحمان تے غداری دا مقدمہ چلایا جاوے، فواد چودھری دا وزیراعظم توں مطالبہ
اسلام آباد: وفاقی وزیر فواد چودھری نے وزیراعظم عمران خان توں مطالبہ کیتا اے مولانا فضل الرحمان دے خلاف آرٹیکل 6دے تحت غداری دا مقدمہ درج کیتا جاوے۔
وزیراعظم عمران خان نال وفاقی وزیر برائے سائنس و ٹیکنالوجی فواد چودھری نے ملاقات کیتی۔
ملاقات وچ موجودہ سیاسی صورتحال تے تبادلہ خیال سنے مولانا فضل الرحمان ولوں دھرنے وچ یقین دہانیاں دے بیان دا جائزہ لیا گیا۔
فواد چودھری آکھیا مولانا فضل الرحمان ولوں منتخب حکومت دے خلاف سازش دا اعتراف اے، مولانا فضل الرحمان دے اعتراف دی روشنی وچ کمل انکوائری ہونی چاہیدی اے جد کہ مولانا دے خلاف آرٹیکل 6دا مقدمہ درج کیتا جاوے۔
