اپوزیشن جماعتاں دا مہنگائی دے خلاف پارلیمنٹ ہاؤس دے باہر احتجاجی مظاہرہ

اسلام آباد: آٹا، چینی بحران تے مہنگائی دے خلاف اپوزیشن اراکین نے حکومت دے خلاف احتجاج کردیاں تحقیقاتی رپورٹ منظر عام تے لیان دا مطالبہ کیتا اے۔

احتجاجی مظاہرہ کرن والے اراکین نے پارلیمنٹ ہاؤس دے باہر ہتھاں وچ پلے کارڈز چک رکھے سن جہناں تے حکومت مخالف نعرے وی درج سن۔

احتجاجی مظاہرے نال خطاب کردیاں لیگی رہنما رانا تنویر دا کہنا سی وزیراعظم ولوں مہنگائی دے حوالے نال کیتی گئی تحقیقات دی رپورٹ منظرعام تے لیاندیاں ہوئیاں پارلیمنٹ وچ بحث کرائی جاوے۔ رانا تنویر نے الزام لایا کہ وزیراعظم ہمیشہ دی طرح اپنے قریبی ساتھیاں نوں بچان گے۔

موجودہ کمر توڑ مہنگائی تے اوہ فوری طور تے مستعفی ہون تے نویں انتخابات کرائے جان۔ حکومت دے خلاف احتجاج کرن والے اراکین وچ ملک پرویز، شائستہ پرویز، آصف کرمانی، شیزا فاطمہ، مشاہد حسین سید، مائزہ حمید، کلثوم پروین سنے دوجے اراکین شامل سن۔