بجلی مہنگی نہیں کراں گے، پاکستانی حکام دا آئی ایم ایف نوں صاف جواب

اسلام آباد: پاکستانی حکام نے بجلی دی قیمت وچ وادھا رد کردیاں آئی ایم ایف توں آکھیا اے نقصانات گھٹ کرن لئی متبادل پلان دیواں گے۔

وسیلیاں دے مطابق عالمی مالیاتی فنڈ (آئی ایم ایف) دے وفد دی پاکستانی حکام نال اہم ملاقات ہوئی جہدے وچ اوہناں نوں وزارت توانائی دی کارکردگی تے اصلاحات پروگرام تے بریفنگ دتی گئی۔

آئی ایم ایف وفد نوں بریفنگ دے دوران لائن لاسز وچ کمی توں آگاہ کیتا گیا۔ پاکستانی حکام نے واضح کیتا موجودہ حالات وچ بجلی دے ریٹاں وچ وادھا نہیں کر سکدے سگوں ایہنوں18مہینے لئی منجمد کرنا تے صنعتی شعبے لئی بجلی ٹیرف دا پیکیج لیانا چاہنے آں۔

ذرائع دے مطابق وزارت توانائی تے عالمی مالیاتی فنڈز دے وفد ولوں مذاکرات جاری رکھن تے اتفاق کیتا گیا پر آئی ایم ایف وفد نے ٹیرف منجمد کرن دی تجویز تے ردعمل نہیں دتا۔