اسیں نہ کوئی سازش کراں گے نہ ڈیل کراں گے: خواجہ آصف

اسلام آباد: رہنما (ن) لیگ خواجہ آصف دا کہنا اے اسیں نہ کوئی سازش کراں گے نہ ڈیل کراں گے سگوں انتظار کراں گے کہ حکومت کرپشن دے نتیجے وچ خود انجام تک اپڑے۔

قومی اسمبلی وچ اظہار خیال دے دوران رہنما (ن) لیگ خواجہ آصف دا کہنا سی وزیراعظم آکھیا سی جدوں مہنگائی تے ٹیکس ودھے تے سمجھ لو حکومت کرپٹ اے، مہنگائی دی قیمت 50فیصد گھٹ ہون دے بجائے 50فیصد ودھ گئی اے جد کہ عوامی مسئلیاں وچ حکومتی سنجیدگی ایس قدر اے کہ حکومتی بنچ خالی پئے نیں۔

خواجہ آصف آکھیا جے تبدیلی آندی اے تے کسے سازش دا حصہ وی نہیں بناں گے، اوہناں آکھیا آٹے تے چینی دا بحران پیدا کرن والے حکومت وچ بیٹھے نیں، عمران خان لوکاں توں چندہ جمع کردے نیں پر آپ نہیں دیندے جد کہ وزیراعظم کسے دے نال ہتھ ملانا وی پسند نہیں کردے۔

خواجہ آصف دا کہنا سی سیاست وچ اوناں ظلم کرو جناں برداشت کر سکو، سیاستدان برادری اک دوجے توں انتقام لیندے رہندے نیں، سیاستداناں نے ماضی توں سبق حاصل نہیں کیتا جو میں پچھلے ورھیاں وچ آکھیا تے جو وزیراعظم نے آکھیا ایوان وچ رولا پاؤ تاں جے ممبران دی یادداشت تازہ ہووے۔