وزیراعظم من لین اوہ نااہل، نالائق تے سلیکٹڈ نیں: بلاول بھٹو زرداری

اسلام آباد: چیئرمین پیپلزپارٹی بلاول بھٹو زرداری دا کہنا اے وزیراعظم من لین اوہ نااہل، نالائق تے سلیکٹڈ نیں اوہناں نوں گھر جانا پوے گا۔

قومی اسمبلی اجلاس وچ اظہار خیال کے دوران بلاول دا کہنا سی عمران خان دی پوری سیاست کسے آئی ایس آئی چیف دی مہربانی اے تے جدوں توں ایہ حکومت آئی اے ہر طبقہ پریشان اے، مہنگائی نے ایس ملک دے عوام دا جینا حرام کر دتا اے، سب نوں نظر آ رہیا اے جدوں حکومت آئی اودوں مہنگائی سی پر ہن بہت ودھ گئی اے، حکومت دے آن نال بیروزگاری وی بہت ودھ گئی اے۔

بلاول بھٹو زرداری آکھیا وزیراعظم کہندا سی میں قرض نہیں لواں گا، عمران خان کہندے قرض لیا تے خودکشی کر لواں گا، اسیں خودکشی دا مطالبہ نہیں کردے پر ایہ تے من لین تسیں غلط سی، تسیں گھر جاؤ تاں عوام نوں ریلیف مل سکے، وزیراعظم دسن اوہ کرپٹ نیں ایس لئی ٹیکس وصول نہیں ہو رہیا۔