کابینہ نے 15ارب ریلیف پیکیج دی منظوری دے دتی
اسلام آباد: وفاقی کابینہ نے مہنگائی وچ کمی لئی عوام نوں 15ارب ریلیف پیکیج دی منظوری دے دتی۔
وزیراعظم عمران خان دی زیر صدارت وفاقی کابینہ دا اجلاس ہویا جہدے وچ مہنگائی وچ کمی بارے وڈے فیصلیاں دی منظوری دیندیاں وفاقی کابینہ نے 15ارب ریلیف پیکیج دی منظوری دے دتی۔
کابینہ اجلاس وچ دالاں تے امپورٹ ڈیوٹی ختم کرن دا فیصلہ کردیاں آکھیا گیا ملک بھر وچ دالاں دی قیمت گھٹ کر دتی جاوے گی، کابینہ نے چینی دی برآمد تے پابندی دے فیصلے دی توثیق کیتی، 50ہزار نوجواناں نوں یوتھ سٹوراں لئی قرض دین دی وی منظوری دتی گئی تے فیصلہ کیتا گیا کہ 50ہزار دکاناں تے یوٹیلیٹی سٹوراں دی قیمتاں تے اشیائے ضروریہ فروخت کیتی جاوے گی۔
وزیراعظم عمران خان نے ای سی سی دے چینی دی درآمد دے فیصلے نوں منسوخ کردیاں آکھیا چینی دے معاملے تے عوام نوں پریشان نہیں ہون دیواں گا۔
وزیراعظم نے گیس تے بجلی دی قیمتاں ودھان دی مخالفت کردیاں آکھیا عوام تے مہنگائی دا پہلاں ای بھار اے ہور بھار نہیں پا سکدے۔
