وزیراعظم دی ایم کیوایم دی قیادت نال ملاقات

کراچی(پنجابی میڈیا گروپ) وزیراعظم عمران خان نے ایم کیو ایم دی قیادت نال ملاقات دے دوران تحفظات دور کرن دی یقین دہانی کراندیاں ہویاں آکھیا اے کہ ایم کیوایم نے ہمیشہ حکومت دا ساتھ دتا ، اپوزیشن جماعتاں نکام ہون گیاں۔اپوزیشن ولوں عدم اعتماد دی تحریک توں بعد اتحادیاں دا اعتماد لین لئی عمران خان حرکت وچ آ گئے ، ایسی سلسلے وچ بدھ نوں اوہ کراچی وچ ایم کیو ایم پاکستان دے رہنماواں نال ملاقات کرن اپڑے۔گورنر سندھ عمران اسماعیل، وفاقی وزیر علی زیدی، شاہ محمود قریشی تے اسد عمر وی وزیرِ اعظم عمران خان دے نال سن۔ایس موقع اُتے ایم کیو ایم دے بہادر آباد وچ واقع عارضی مرکز وچ پی ٹی آئی تے ایم کیو ایم دے رہنماواں نے وزیرِ اعظم عمران خان دااستقبال کیتا ۔ عمران خان دا بطور وزیراعظم ایم کیو ایم مرکز دا پہلا دورہ سی ۔ وزیراعظم عمران خان نے ایم کیوایم دی قیادت نال ملاقات کیتی ، ملاقات وچ وفاقی وزیرشاہ محمود قریشی ، اسدعمر، علی زیدی موجود سن جد کہ ایم کیو ایم ولوں خالد مقبول، عامر خان ، امین الحق ، کنور نوید ،وسیم اختر تے ہور رلتی سن ۔ ملاقات دے دوران ملک دی موجودہ سیاسی صورت حال تے سندھ دے شہری علاقیاں وچ ترقیاتی منصوبیاں دے حوالے نال گل بات کیتی گئی۔