آئی ایم ایف ڈیل نہیں مندے، بلاول

اسلام آباد: چیئرمین پیپلزپارٹی بلاول بھٹو دا کہنا اے حکمراناں نے عوام دے معاشی حقوق تے سودے بازی کیتی تے ایہ معیشت تے ملک نہیں چلا سکدے۔ بلاول نے اپنے خطاب وچ آکھیا عوام دا معاشی قتل ہو رہیا اے، کرنٹ اکاؤنٹ خسارہ گھٹ کرن نال کسے دے ڈھڈ وچ کھانا نہیں جاوے گا، جیویں ایہ معاہدے کر رہے نیں ساڈی معیشت توں جان کڈھ رہے نیں، اوہناں نے عوام دے معاشی حقوق تے سودے بازی کیتی، ایہ حکمران معیشت تے ملک نہیں چلا سکدے۔ بلاول بھٹو آکھیا پارلیمان دا حق اے کہ وزیراں توں پچھے ، 15مہینے وچ جناں قرض لیا گیا ماضی وچ ایناں قرض نہیں لیا گیا، جمہوری نظام نوں کمزور کرن دی کوشش ہو رہی اے، حکومت جاوے تی تے سانوں کوئی ہور عبوری سیٹ اپ قبول نہیں، آئی ایم ایف نال معاہدے نوں پارلیمنٹ وچ پیش نہیں کیتا گیا، سانوں پی ٹی آئی ایم ایف ڈیل بالکل نامنظور اے۔ بلاول بھٹو نے آکھیا جہڑی تیزی نال مہنگائی وچ وادھا ہویا ملکی تریخ وچ کدی نہیں ہویا، اسیں اپنے حلقیاں وچ جانے آں تے عوام ساڈے توں سوال کردے نیں، آئے دن خودکشیاں ہو رہیاں نیں، کراچی وچ اک پیو نے بالاں لئی گرم کپڑے دی سکت نہ ہون تے خودکشی کر لئی، خوراک دیاں قیمتاں وچ اک ورھے وچ 78فیصد وادھا ہویا۔