اپوزیشن مائنس ون چاہندی اے جیہڑا کسی صورت نہیں ہوسکدا،وزیراعظم

اسلام آباد(پنجابی میڈیا گروپ) وزیراعظم عمران خان دا کہنا اے کہ ایہ لوگ مائنس ون چاہندے نیں، اینج کسی صورت نہیں ہوسکدا، اینج دے اقدام کراں گے کہ مستقبل وچ کسی نوں ہارس ٹریڈنگ دی جرات نہیں ہوئے گی۔میڈیا دے مطابق وزیراعظم عمران خان نے سینئر وزیراں نوں بنی گالہ سدھ لیا،جس وچ وزیرخارجہ شاہ محمود قریشی، وزیرداخلہ شیخ رشید، وزیر دفاع پرویز خٹک تے وزیراطلاعات فواد چوہدری رلتی سن، اجلاس وچ موجودہ سیاسی صورتحال اچ حکومتی حکمت عملی اُتے مشورے کیتے گئے۔وزیراعظم عمران خان نے سیکرٹری جنرل عامر کیانی تے بابر اعوان نوں قنونی کاروائی دی ہدایت کر دیاں ہویاں آکھیا کہ اینج دے اقدام کراں گے کہ مستقبل وچ کسی نوں ہارس ٹریڈنگ دی جرات نہیں ہوئے گی،27مارچ دے جلسے وچ قوم تبدیلی نال نظر آئے گی، ایہ چاہے جنا وی پیسہ لالین، اوہناں دا مقابلہ کراں گا۔