ہمت اے تے گورنر راج لاکے وکھاو، بلاول بھٹو دا وزیراعظم نوں چیلنج

اسلام آباد( پنجابی میڈیا گروپ)چیئرمین پیپلزپارٹی بلاول بھٹو زرداری وزیراعظم نوں چیلنج کردیاں ہویاں آکھیا اے کہ ہمت اے تاں گورنر راج لا کے وکھاو۔سماجی رابطے دی ویب سائٹ ٹویٹر اُتے اپنی ٹویٹ وچ چیئرمین بلاول بھٹو زرداری نے وزیراعظم عمران خان نوں مخاطب کریاں ہویاں چیلنج کیتا تے آکھیا کہ ہمت اے تے گورنر راج لا کے وکھاو، کل نہیں بلکہ اج گورنر راج لا، انشا اللہ اسیں سبھ ایتھوں اسلام آباد آکے تہانوں جواب دیاں گے۔واضح رہے کہ پچھلے دناں وزیرداخلہ شیخ رشید نے میڈیا نال غیر رسمی گل بات کردیاں ہویاں آکھیا سی کہ میں ملکی سیاسی صورتحال ویکھ کے وزیراعظم عمران خان نوں سندھ وچ گورنر راج لان دا مشورہ دتا اے۔ جد کہ اج وزیرداخلہ دا کہنا سی کہ وزیراعظم نوں گورنر راج لان دی سمری پیش کیتی اے لیکن اجے تک وزیراعظم نے کوئی فیصلہ نہیں کیتا۔